मा प्रकाशित
भावीले हलो लगाउन बिर्सिएर
उजाडिएर खुइलिएको यो खप्पर भित्र
उकुसमुकस भई गुजुल्टिएका
दिमागी अमाशयका यी लादीहरु
निचोरेर बाहिर निकाली
भावशून्यताको सन्नाटाभित्र
बयेली खेल्दै
नियतीलाई लोप्पा खुवाउन
हनुमानको गदा र थोरको हथौडाले
खप्पर फुटाएँ, कच्रघान
मुजा परेको मगजलाई
जाँड छान्ने छन्निले छानी
मगजरसपान गरेँ
छोक्रा जति मिल्काइदिएँ रछ्यानमा
कस्तो विडम्बना,
मेरो झुपडीको करेसामा
र्याल चुहाईरहने लुते कुकुरले पनि
चाट्न चाहेन ती मगजी छोक्राहरु
