मा प्रकाशित
कनिका खबर
साउन ३१, रोल्पा ।
श्रीमानको कुटाइबाट रोल्पामा गर्भवती महिला गम्भीर घाइते भएकी छिन् ।
कुटाइबाट गर्भमा रहेको ८ महिनाको शिशु समेत खेर गएको छ । रुन्टिगढी गाउँपालिका वडा नम्बर ३ भरना निवासी १७ वर्षीया कुमारी बिक गम्भीर घाइते भएकी हुन् । ८ महिनाकी गर्भवती रहेकी उनलाई साउन २९ गते राति ११ बजे श्रीमानले मदिरा सेवन गरेर निर्बाध रुपमा कुटपिट गर्दै गम्भीर घाइते बनाएको ईलाका प्रहरी कार्यालय होलेरीले जानकारी दिएको छ ।
घटना घटेको भोलिपल्ट साउन ३० गते शिशु मृत अवस्थामा जन्मेको परिवारले जनाएको छ । कुटपिटबाट टाउको र शरीरमा गम्भीर चोट लागेको छ । उनको प्राथमिक स्वास्थ्य केन्द्र होलेरीमा उपचारपछि थप उपचारका लागि दाङ लगिएको छ । कुटपिट गर्ने श्रीमान सोनु बिक प्रहरी नियन्त्रणमा छन ।
