मा प्रकाशित
सरू बस्नेत
मान्छेको पहिचान उसको संस्कारमा देखिन्छ
देख्न हुने, नहुने दुर्घटना यो संसारमा देखिन्छ
एकपल्टको जित सधैंको जित देखिन्न हजुर
अर्को अवसर र सम्मान, जुन हारमा देखिन्छ
आज हो कि भोलि छोड्नु त छँदै छ दुनियाँ
निर्दयी भित्ताको घडी सधैँ हतारमा देखिन्छ
जिन्दगीलाई शब्द बाट परिभाषित गर्नुभन्दा
नियाली हेर्नुस् जीवन नदी किनारमा देखिन्छ
महोदय,तपाईं अरूको अवगुण नगाउनुहोस्
जहाँ गुण भन्दा अवगुण, हजारमा देखिन्छ।
निजगढ बारा
