तीन मन्त्रीको स्वाब संकलन

कनिका खबर
भदौं १३, काठमाडौं

कोभिड–१९ संकट व्यवस्थापन केन्द्र सीसीएमसीकै एक कर्मचारीमा कोरोना सङ्क्रमण पुष्टि भएपछि तीन मन्त्रीको स्वाब संकलन गरिएको छ । सीसीएमसीका संयोजक एवं उपप्रधान तथा रक्षामन्त्री ईश्वर पोखरेल, गृहमन्त्री रामबहादुर थापा र स्वास्थ्यमन्त्री भानुभक्त ढकालको स्वाब संकलन गरिएको हो । आज बिहान उहाँहरुको स्वाब संकलन गरिएको हो । उहाँहरुको सचिवालयमा रहेका सदस्यहरुको पनि कोरोना परीक्षण गरिएको छ । सीसीएमसीको बैठक व्यवस्थापनमा खटिएका कर्मचारीमा सङ्क्रमण पुष्टि भएपछि मन्त्रीहरु पोखरेल, थापा र ढकाल आइसोलेसनमा हुनुहुन्छ ।

पोखरेल र थापा आइसोलेसनमा रहेकाले आज आजका लागि बोलाइएको नेकपा सचिवालय बैठकसमेत भदौ १८ गतेसम्मका लागि स्थगित गरिएको छ ।