एजेन्सी ।
साविक विजेता अल्जेरिया सन् २०२२ मा आयोजना हुने अफ्रिका कप अफ नेसन्समा छनोट भएको छ । गएराति भएको खेलमा जिम्बावेसँग २–२ गोलको बराबरीमा रोकिएपनि अल्जेरिया अफ्रिका कप अफ नेसन्समा छनोट भएको हो ।जिम्बावेको मैदानमा एन्डी डेलोर्टले ३३ औं मिनेटमा गोल गर्दै अल्जेरियालाई अग्रता दिलाएका थिए । ३८ औं मिनेटमा रियाद महरेजले गोल गर्दा अल्जेरिया २–० ले अघि रह्यो ।तर, खेलको ४५ औं मिनेटमा नलेज मुसोनाले गोल गर्दै जिम्बावेलाई २–१ को स्थितिमा ल्याए ।त्यसपछि खेलको ८२ औं मिनेटमा प्रिन्स डुबेले गोल गर्दै जिम्बावेलाई २–२ गोलको बराबरीमा ल्याएर हारबाट जोगाएका हुन् । जिम्बावेसँग बराबरीमा रोकिएपनि समूह एचको अल्जेरियाले ४ खेलमा १० अंक जोड्यो । अल्जेरिया तालिकाको शीर्ष स्थानमा समेत रहेको छ ।जिम्बावे ४ खेलमा ५ अंक जोडेर दोस्रो स्थानमा रहेको छ ।
मा प्रकाशित