आजदेखि ‘मर्यादित महिनाबारी’ बारे अन्तर्राष्ट्रिय कार्यशाला गोष्ठी – Kanika Khabar
Saturday, September 18Nepali News Portal

आजदेखि ‘मर्यादित महिनाबारी’ बारे अन्तर्राष्ट्रिय कार्यशाला गोष्ठी

    मा प्रकाशित

मंसिर २३, काठमाडौँ ।

विश्वमै पहिलोपटक नेपालमा ‘मर्यादित महिनाबारी’बारे अन्तर्राष्ट्रिय कार्यशाला गोष्ठी हुने भएको छ । नेपाल सरकार, महिला, बालबालिका तथा ज्येष्ठ नागरिक मन्त्रालय र राष्ट्रिय मानवअधिकार आयोग र दक्षिण गोलार्दीय मर्यादित महिनावारी सञ्जालको संयुक्त आयोजनामा आजदेखि तीन दिनसम्म ‘मर्यादित महिनावारी’ कार्यशाला गोष्ठी हुने भएको हो ।

‘महिनावारीका कुरा, मर्यादा केन्द्रित भए मात्र हुन्छ पूरा’ भन्ने मूल नारा दिइएको कार्यशाला गोष्ठी विश्वमै पहिलोपटक नेपालमा आयोजना हुन लागेको हो । गत जेठमा हुने भनिएको कार्यशाला कोभिड १९ महामारीका कारण सरेको थियो ।

१६ दिने लैङ्गिक हिंसा विरुद्धको अभियानको १४ औँ दिनको अवसर पारेर कार्यशालाको आयोजना गरिएको दक्षिण गोलार्दीय मर्यादित महिनावारी सञ्जालको सचिवालयका सदस्य अनुपा रेग्मीले जानकारी दिनुभयो । महिनावारीका सम्बन्धमा भएगरेका कामहरूलाई पुनरावलोकन गर्दै लैंगिक समानता प्राप्तीका लागि पहल गर्नु नै कार्यक्रमको उद्देश्य रहेको छ । भर्चुल र प्रत्यक्ष रुपमा गरिने गोष्ठीमा सबै महादेशका अनुसन्धानकर्मी अभियानकर्मी, सरकारका प्रतिनिधी, नीति निर्माताहरुको सहभागिता रहने छ ।

भान्सादेखि संसदसम्म महिनावारी निषेधको अन्त्य, यौनिक प्रजनन, स्वास्थ्य अधिकार देखि विभेद, लाज, युवाको भूमिका, धर्म, खानपान, सरसफाई, डर, अधिकार, कानून कार्यान्वयन सम्मका हुँदै र भोग्दै आएका विभिन्न पक्षबारे प्यानल, छलफल, प्रस्तुती, डकुमेन्ट्री पनि प्रदर्शनहुनेछ । । गोष्ठीको पहिलो दिन आज मर्यादित महिनावारी सम्वन्धी हाते किताव ‘अ प्राक्टिकल ह्याण्डबुक’ को विमोचन पनि हुनेछ । जुन दक्षिण गोलार्दीय मर्यादित महिनावारी सञ्जालप्रमुख तथा अभियन्ता राधा पौडेलको संयोजनमा २० देशका ४४ जना लेखकहरूले लेखेका छन् ।

"कानिका खबर डट कम"

याे नेपाली भाषाकाे डिजीटल पत्रिका हो । हामी तपाईहरुका सामु छुटै महत्वको साथ समाचार पस्कदै छाैं । हामी सधैं तपाईको सल्ला र सुझावकाे लागी अपेक्षा गर्दछाैं । हामीलाई पछ्याउनुभएकोमा धन्यवाद । हरपल तपाइको समाचार साथी कानिका खबर  [Email : [email protected]]

     
प्रतिक्रिया दिनुहोस्