मा प्रकाशित
पुस १०, काठमाडौँ ।
नेपाल कम्युनिष्ट पार्टी (नेकपा) को प्रचण्ड–नेपाल पक्षले प्रतिनिधिसभा विघटनविरुद्ध आज काठमाडौं उपत्यकामा वृहत्त प्रदर्शन गर्ने भएको छ । हिजो बिहीबार सकिएको केन्द्रीय कमिटीको निर्णयअनुसार आज शुक्रबार बिहान साढे ९ बजे सबै केन्द्रीय सदस्य तथा विघटित प्रतिनिधि सभाका सदस्यलगायत माइतीघर मण्डलामा भेला हुनेछन् । त्यसपछि मध्यान्ह १२ बजे निर्वाचन आयोग जाने कार्यक्रम तय गरिएको छ।पार्टी अध्यक्ष पुष्पकमल दाहाल ‘प्रचण्ड’ ले आफूपक्षीय धेरैभन्दा धेरै कार्यकर्तालाई विरोध प्रदर्शनमा उपस्थित हुनसमेत आग्रह गरेका छन् ।
पार्टीबाट घोषित कार्यक्रमअनुसार आजै २ बजे अध्यक्षहरुका तर्फबाट पत्रकार सम्मेलन गरिनेछ । प्रचण्ड–नेपाल पक्षले नारायणकाजी श्रेष्ठको नेतृत्वमा २५०१ सदस्यीय प्रतिगमनविरुद्ध संघर्ष समिति गठन गरेको छ।
