कनिका डेस्क
जेठ १५, दाङ ।
गीतकार रत्नशम्शेर थापाको निधन भएको छ । थापाथलीस्थित नर्भिक अस्पतालमा बिहीबार साढे ११ बजे निधन भएको अस्पतालले जनाएको छ । ८२ वर्षीय थापालाई श्वास फेर्न अप्ठ्यारो भएपछि हिजो अस्पताल भर्ना गरिएको थापाका साडु भाई शिव आचार्यले वताएका छन ।
केही समयअगाडि कुकुर डोर्याउने क्रममा थापा चिप्लिएर लडेका थिए । नशा च्यापिएपछि उनको महाराजगञ्जस्थित शिक्षण अस्पतालमा अपरेसन गरिएको थियो ।
थापाका छोरा रुपेन्द्र समशेरका अनुसार उनलाई नर्भिकको आइसोलेसनमा राखिएको थियो । उनको स्वाब संकलन गरेर कोरोना परीक्षणका लागि पठाइएको छ । यसको नतिजा नआइन्जेल उनको शव अस्पतालमै राखिने रुपेन्द्रले बताए ।
थापाद्वारा रचित ‘जाग लम्क चम्क हे।।।’, ‘ठट्टैमा यो वैंस जान लाग्यो।।।’, ‘घुम्तीमा नआउ है।।।, ‘उकारी ओरालो गर्दै।।।’ लगायतका दर्जनौं गीत लोकप्रिय छन् । नारायण गोपालले गाएका सुरुवाती गीतहरु उनले नै लेखेका थिए । थापाका श्रीमती र २ छोरा छन् ।
