मा प्रकाशित
साउन १९, दाङ ।
नेकपा एमालेका सांसद योगेश भट्टराईले कोरोनाविरुद्धको खोप अभियानको रफ्तार सुस्त भएकोमा असन्तुष्टि जनाउँदै सरकारको ध्यानाकर्षण गराउनुभएको छ । प्रतिनिधिसभाको आजकोबैठकमा उहाँले प्रधानमन्त्री शेरबहादुर देउवाले खोप, खोप, खोप भनेर आफ्ना तीनवटा प्राथमिकतामा खोप राखे पनि त्यसअनुसार काम हुन नसकेको बताउनुभयो ।
६० प्रतिशतभन्दा बढी नागरिकलाई खोप लगाउनुपर्नेमा आजसम्म ५ प्रतिशतले पूर्ण खोप पाएको, १४ प्रतिशतले पहिलो मात्राको खोप पाएको र देशका १६ हजार खोप केन्द्रमध्ये तीन हजार खोप केन्द्र मात्रै परिचालित रहेको उहाँको भनाइ थियो । उहाँले १० औँ हजार स्वास्थ्यकर्मी खोप लगाउने कामबाट विमुख रहेको भन्दै उहाँले यस्तो अवस्थामा असोज महिनाभित्र सबै खोप लगाउँछु भन्ने मन्त्रीको रप्रधानमन्त्रीको घोषणा लागु हुने सम्भावना नदेखिएको बताउनुभयो ।
