मा प्रकाशित
असोज १४, काठमाडौँ ।
प्रधानमन्त्रीको सरकारी निवास बालुवाटारमा आज बसेको सर्वदलीय बैठकले प्रमुख प्रतिपक्षी दल नेकपा एमालेसँग थप छलफल गर्ने निष्कर्ष निकालेको छ । बैठकले प्रमुख प्रतिपक्षी दलसँग थप छलफल गर्ने निर्णय गरेको सरकारका प्रवक्ता, कानुन तथा संसदीय मामिला मन्त्री ज्ञानेन्द्रबहादुर कार्कीले जानकारी दिनुभयो ।
प्रधानमन्त्री शेरबहादुर देउवाले संसदलाई अगाडि बढाउनका लागि संसदमा प्रतिनिधित्व गर्ने सबै दलहरूलाई बैठकमा आमन्त्रण गरेको भए पनि एमाले उपस्थित भएन । यसबाट एमाले वार्ता र संवादबाट भाग्न खोजेको मन्त्री कार्कीले बताउनुभयो ।
नागरिकका जनजीविकासँग प्रत्यक्षरुपमा जोडिएका विधेयकहरू पारित गर्न आवश्यक रहेको र यस विषयमा एमाले अध्यक्ष केपी शर्मा ओलीसँग थप छलफल गरिने पनि उहाँको भनाइ छ ।
