मा प्रकाशित
कात्तिक १, नवलपरासी ।
नवलपरासीमा बस दुर्घटना हुँदा ४२ जना घाइते भएका छन् । जिल्लाको बर्दघाट सुस्तापूर्व नवलपुरमा बस दुर्घटना हुँदा ४२ जना घाइते भएका हुन् । नवलपरासीको त्रिवेणीबाट काठमाडौँका लागि छुटेको लु १ ख ९४७६ नम्बरको बस आज सोमबार बिहान दुर्घटना भएको जिल्ला प्रहरी कार्यालय नवलपरासी पूर्व नवलपुरका प्रहरी नायव उपरीक्षक दिलिप कुमार गिरीले जानकारी दिनुभयो ।
पूर्व पश्चिम राजमार्ग अन्तर्गत नवलपरासी पूर्व नवलपुरको मध्यविन्दु नगरपालिका–१०, अरुणखोला र दुम्किबासबीचको जङ्गलमा आफै अनियन्त्रित भएर बस पल्टिएको प्रहरी नायव उपरीक्षक गिरीले बताउनुभयो ।
