माघ १५, दाङ ।
नेपाली काँग्रेसका महामन्त्री गगन थापाले पनि स्थानीय तहको निर्वाचनबारे सत्तारुढ गठबन्धनले अघि सारेको विकल्प संविधानसम्मत नभएको बताउनुभएको छ ।
हिजो नेपाली काँग्रेसको केन्द्रीय कार्यसमिति बैठक पछि सञ्चारकर्मीसँग कुरा गर्दै महामन्त्री थापाले स्थानीय तहको निर्वाचनबारे स्थानीय तह निर्वाचन ऐनले गरेको व्यवस्था संशोधन गर्नु संविधानसम्मत नहुने बताउनुभयो ।
संविधानसम्मत नहुने कुरालाई काँग्रेसले बोक्नुपर्ने कुनै कारण नरहेको उहाँको भनाइ छ । उहाँले गठबन्धनका नेताहरूले पनि संविधान बाझिनेगरी कुनै काम नगर्नेमा विश्वास व्यक्त गर्नुभयो ।