माघ २१, दाङ ।
लुम्बिनी प्रदेशको चौथो स्थापना दिवसको अवसरमा आयोजनामा आयोजित निबन्ध प्रतियोगिताको नतिजा सार्वजनिक भएको छ ।
प्रदेश सचिवालयले प्रदेस स्थापनाको अवसरमा माध्यमिक तहका विद्यार्थीहरुबीच निबन्ध प्रतियोगिता गराएको थियो । ‘संघीयता कार्यान्वयनमा प्रदेश सभाको भूमिका’ शीर्षकमा आयोजना गरिएको निबन्ध लेखन प्रतियोगितामा कक्षा ९ देखि १२ सम्मका विद्यार्थीहरुलाई सहभागी गराइएको थियो ।
आयोजित कार्यक्रममा गुरुजजुर मावि रक्षाचौर दाङका छात्र शैलेश शर्मा प्रथम, गोरखा इन्टरनेसनल पब्लिक सेकेन्डरी स्कुल घोराही दाङकी छात्रा प्रकृती चौधरी द्वितीय र हेमराज माध्यमिक विद्यालय कपिलबस्तुकी छात्रा अर्चना आचार्य तृतीय भएका थिए ।
१२ जिल्लाबाट सहभागी प्रतियोगीहरुबाट हरेक जिल्लाबाट १ जना सान्त्वना घोषित गर्ने कार्यक्रमको प्रावधान रहेको थियो । जसमा सहभागी ११ जिल्लाका ११ जना विद्यार्थीहरु सान्त्वना भएका थिए ।
आज एक कार्यक्रमको आयोजना गरी प्रदेश सभामुख पूर्णबहादुर घर्तीले पुरस्कार तथा प्रमाणपत्र प्रदान गरेका हुन् । प्रथम पुरस्कार १५ हजार, द्वितीय पुरस्कार १० हजार, तृतीय पुरस्कार ८ हजार र सान्त्वना पुरस्कार ५ हजार रहेको थियो ।
