मा प्रकाशित
पाँचौ मुख्यमन्त्री सुदुरपश्चिम खप्तड गोल्डकप फुटबल प्रतियोगिता अन्तर्गत आज एक मात्रै खेल हुने भएको छ । धनगढी रङ्गशालामा हुने खेलमा हिमालयन शेर्पा क्लब र नव जन जागृति युवा क्लबबीच प्रतिस्पर्धा हुनेछ ।
यी दुई टोलीबीचको खेल दिउँसो ३ बजेबाट सुरु हुनेछ ।‘ए’ डिभिजन क्लब हिमालयन आज मोफसलको टोली जन जागृतिलाई पराजित गर्दै अर्को चरणमा पुग्न चाहन्छ भने जागृति पनि हिमालयनलाई हराएर अर्को चरणमा पुग्न चाहन्छ ।
सर्वाधिक धनराशीको प्रतियोगिता रहेको गोल्डकपमा१० टिमको सहभागिता रहेको छ । प्रतियोगिताको विजेताले २१ लाख नगद प्राप्त गर्नेछ भने उपविजेता टोलीले १० लाख नगद प्राप्त गर्नेछ ।
