फागुन २३, दाङ ।
श्रीलङ्का भ्रमणमा रहेको नेपाली क्रिकेट टिमले पहिलो अभ्यास खेलमा घरेलु टोली श्रीलङ्का नेभीलाई पराजित गरेको छ ।
५० ओभरको पहिलो अभ्यास खेलमा नेपालले श्रीलङ्का नेभीलाई १ सय ११ रनले पराजित गरेको हो । नेपालले दिएको २ सय १५ रनको लक्ष्य पछ्याउने क्रममा श्रीलङ्का नेभी २८ दशमलव ५ ओभरमा अलआउट हुँदै १ सय ३ रनमा सिमित भयो ।
आईसीसी पुरुष विश्वकप क्रिकेट लिग टु अन्तर्गत सिरिजको तयारीका लागि नेपाली टोली श्रीलङ्का पुगेको हो । श्रीलङ्कामा नेपाली टोलीले श्रीलङ्काको पहिलो श्रेणीक्लबसँग ४ अभ्यास खेल खेल्ने छन् ।