कनिका खबर
असार ४, दाङ ।
पर्वत जिल्ला स्थित कोरोना अस्पतालबाट आज ८ जना कोरोना जितेर घर फर्किएका छन् । कोरोना जितेर घर फर्किनेहरु सबै पुरुष हुन् । पर्वत अस्पतालका प्रमुख डा. शिशिर देवकोटाका अनुसार डिस्चार्ज हुनेहरुमा फलेवास नगरपालिका १० कुर्घाका २० र ४० वर्षका दुई जना, महाशिला गाउँपालिका ३ बालाकोटका २१ वर्षका दुई जना र १४ वर्षका एक जना, फलेबास नगरपालिका ११ पाङराङका २१ वर्षका एक जना र फलेबास नगरपालिका २ का २१ बर्षिय एकजना पुरुष छन् ।
त्यसैगरी बिहादी गाउँपालिका ४ वहाकीका ३९ बर्षिय पुरुष पनि निको कोरोनाबाट मुक्त भई अस्पतालबाट घर फर्किएका हुन् । चितवनको भरतपुर अस्पतालमा रहेको प्रयोगशालामा ९ जना संक्रमितको नमुना संकलन गरि परिक्षणका लागि पठाइएकोमा बिहादी गाउँपालिकाका १ जना पुरुषको भने पोजेटिभ रिर्पोट आएको थियो । पर्वतमा अहिलेसम्म संक्रमितको संख्या ३८ पुगेको छ । अहिले पोखरा स्थित गण्डकी अस्पतालमा एक जना र अरु २९ जना पर्वत अस्थाई कोरोना अस्पतालमा उपचाररत छन् ।
मा प्रकाशित
