चैत्र १६, दाङ ।
स्थानीय निर्वाचन आउन अब ४४ दिन बाँकी रहेकाे छ । निर्वाचन आउन ४४ दिन बाँकी रहँदा आज बुधबार निर्वाचन आयाेगले स्थानीय निर्वाचन निर्देशिका २०७९ जारी गरेकाे छ ।
निर्देशिका जारी गर्दै आयोगले स्थानीय तह निर्वाचनमा उम्मेदवारले मनोनयन दर्ता गराउँदा मनोनयन पत्रका साथ १९ बुँदे स्वघोषणा गर्नुपर्ने बताएको छ ।
निर्देशिकामा निर्वाचन अधिकृतसम्बन्धी व्यवस्था, मुख्य निर्वाचन अधिकृत, निर्वाचन अधिकृत, मतदान अधिकृत तथा कर्मचारी सम्बन्धी व्यवस्था, निर्वाचनसँग सम्बन्धित सरोकारवालाहरुको काम, कर्तव्य र अधिकार, उम्मेदवारको योग्यता तथा मनोनयन, मतदाता नामावली, मतदान र मतगणना सम्बन्धी व्यवस्था लगायत निर्वाचनको प्रभावकारी व्यवस्थापनको निम्ति आवश्यक विषयहरु समावेश गरिएका छन् ।