मा प्रकाशित
जेठ २५, दाङ ।
नेपाली राष्ट्रिय क्रिकेट टिमका कप्तान सन्दीप लामिछानेको टी–ट्वान्टी वरीयता खस्किएको छ ।अन्तर्राष्ट्रिय क्रिकेट परिषद (आईसीसी) ले आज सार्वजनिक गरेको नयाँ वरीयता अनुसार सन्दीपको बलिङ वरीयता खस्किएको हो ।
बलिङ वरीयतामा सन्दीप एक स्थान तल झर्दै ३९ औं स्थानमा पुग्नुभएको छ ।बलिङतर्फ नेपालका अविनास बोहरा ८९ औं स्थानमा रहनुभएको छ ।ब्याटिङतर्फ नेपालका कुशल भुर्तेल र दिपेन्द्र सिंह ऐरीको पनि वरीयता खस्किएको छ ।
कुशल ३८ औं स्थानमा झर्नुभएको छ भने दिपेन्द्र ४० औं स्थानमा झर्नुभएको छ ।ब्याटिङतर्फ नेपालका आसिफ शेख ९९ औं स्थानमा रहनुभएको छ ।अलराउण्डरतर्फ दिपेन्द्रको वरीयता भने यथावत रहेको छ ।दिपेन्द्र १० औं स्थानमा रहनुभएको छ ।
