साउन १, काठमाडौँ ।
विश्वकै सर्वोच्च शिखर सगरमाथा क्षेत्र भ्रमण गर्ने पर्यटकको सङ्ख्या एकै आर्थिक वर्षमा ८३ प्रतिशतले वृद्धि भएको छ । आर्थिक वर्ष २०७७/०७८ को तुलनामा ०७८/०७९ मा ८३ दशमलव ६२ प्रतिशतले पर्यटक आवागमन बढेको सगरमाथा राष्ट्रिय निकुञ्ज कार्यालयले जनाएको छ ।०७७/०७८ मा ४ हजार तीन सय ३५ जना पर्यटकलेसगरमाथा क्षेत्र भ्रमण गरेकोमा ०७८/७९ मा सो सङ्ख्या बढेर २६ हजार ४ सय ७४ पुगेको छ । तिमध्ये २१ हजार एक सय ९८ जना विदेशी र पाँच हजार दुई सय ७६ जना नेपाली पर्यटक रहेको निकुञ्ज कार्यालयका सूचना अधिकारी विष्णु रोकायले जानकारी दिनुभयो ।
खुम्बु क्षेत्रमा असोजदेखि कार्तिक र फागुनदेखि वैशाखसम्म पर्यटकको आगमन बढी हुने गरेको छ ।
यसैबिच पर्यटक आगमन बढेसँगै राष्ट्रिय निकुञ्जको राजस्व पनि ७४.४३ प्रतिशतले वृद्धि भएको छ ।
आर्थिक वर्ष ०७७/०७८ मा १ करोड २१ लाख राजस्व सङ्कलन गरेको निकुञ्जले ०७८/०७९ मा ४ करोड ७३ लाख २८ हजार ९ सय ९९ दशमलव १४ रुपैयाँ राजश्व सङ्कलन गरेको सूचना अधिकारी रोकायले जानकारी दिनुभयो ।
