साउन २९, काठमाडौँ ।
नेकपा माओवादी केन्द्र र बाबुराम भट्टराई नेतृत्वको नेपाल समाजवादी पार्टीबीच प्रतिनिधिसभा र प्रदेशसभाको चुनावमा एउटै घोषणा पत्र र एउटै चुनाव चिह्न प्रयोग गरेर जाने सहमति भएको छ ।
केही दिनदेखि जारी छलफल निष्कर्षमा पुगेको हो । तर लिखित रूपमा सहमति हुन भने बाँकी नै रहेको छ । आज मौखिक सहमति भएको र भोलीसम्ममा लिखित चपमा नै सहमति हुने नेताहरूले बताएका छन् ।
आज माओवादी अध्यक्ष पुष्पकमल प्रचण्डको निवासमा भट्टराई र समाजवादीका अर्का अध्यक्ष महेन्द्रराय यादव सहितका नेताहरूले छलफल गर्नुभएको थियो । चुनाव चिह्न भने माओवादीले प्रयोग गर्दै आएको गोलाकार भित्रको हँसिया हथौडा हुने सहमति पनि भएको छ ।
सहमतिबारे दुवै दलले आ – आफ्नो दलमा छलफल गर्ने र औपचारिकता दिने सहमति भएको छ ।
निर्वाचन आयोगले दुई वा सोभन्दा बढी दलले एकै चुनाव चिह्न लिएर निर्वाचनमा सहभागी हुन सक्ने भनिसकेको छ ।
