असाेज २६,दाङ ।
अन्तत: दाङकाे क्षेत्र नं. १ मा प्रतिनिधिसभा सदस्यमा पूर्व तीन सहकर्मी चुनावी मैदानमा प्रतिस्पर्धीका रूपमा उत्रिएका छन् ।
एमालेबाट टिकट नपाएपछि हाम्राे नेपाली पार्टीबाट उम्मेदवारी दिएकी गङ्ङा चाैधरीले उम्मेदवारी फिर्ता नलिएपछि त्रिपक्षीय प्रतिस्पर्धा हुने भएकाे हाे ।
सत्ता गठबन्धनबाट नेकपा एकीकृत समाजवादीका मेटमणि चौधरी, नेकपा एमालेबाट शान्ता चौधरी र हाम्राे नेपाली पार्टीबाट उम्मेदवार बनेकी गंगा चौधरीबीच प्रतिस्पर्धा हुने भएको हो । उनीहरू तीनै जना यसअघि नेकपा एमालेमा रहेर सक्रिय राजनीति गरेका हुन् । मेटमणि चौधरी एमाले विभाजन हुँदा एकीकृत समाजवादीतर्फ लाग्नुभएको हो भने एमालेबाट शान्ता चौधरीले टिकट पाएपछि गंगा चौधरीले हाम्राे नेपाली पार्टीबाट उम्मेदवारी दिनुभएको हो । अहिले चुनावी मैदानमा यी तिनै जना एक अर्काका प्रतिस्पर्धी भएका हुन् ।