मा प्रकाशित
कार्तिक ४, दाङ ।
आउँदो मङ्गलबार खण्डग्रास सूर्य ग्रहण लाग्ने भएको छ । यूरोपका विभिन्न भागहरु, उत्तरपूर्वी अफ्रिका तथा पश्चिम, मध्य र दक्षिण एसियाबाट यो ग्रहण देख्न सकिने विपी कोइराला मेमोरियल प्लानेटेरियम तथा अब्जरभेटरी र विज्ञान सङ्ग्रहालय विकास समितिले जनाएको छ ।
समितिका अनुसार रुसको साइवेरिया मैदानबाट उच्चतम सूर्य ग्रहणको मध्य देख्न सकिन्छ भने नेपालको सबै भागबाट केही क्षणका लागि सूर्यास्तको समयमा पश्चिम–दक्षिण भागमा ग्रहण देखिनेछ ।
नेपालबाट सूर्यास्तको समयमा सूर्य क्षितिजबाट लगभग ७ देखि १३ डिग्रीको उचाई कोणमा सूर्य रहने हुँदा सूर्य ग्रहण पूर्ण अवधिसम्म अवलोकन गर्न नसकिने विपी कोइराला मेमोरियल प्लानेटेरियम तथा अब्जरभेटरीले जानकारी दिएको छ ।
