मा प्रकाशित
कनिका खबर
असार १३, दाङ ।
बुधबारदेखि सुरु भएको सत्तारुढ नेपाल कम्युनिस्ट पार्टीको स्थायी कमिटी बैठक आज पनि बस्दै छ । आजको बैठक पनि प्रधानमन्त्री निवास बालुवाटरमा ११ बजेपछि सुरू हुनेछ ।
हिजो शुक्रबार १८ जना सदस्यले धारणा राखेका थिए भने आजको बैठकमा बाँकी सदस्यले धारणा राख्ने छन् । बुधबारकै बैठकले तय गरेका सात एजेन्डाका विषयमा बैठकमा छलफल हुने पार्टी प्रवक्ता नारायणकाजी श्रेष्ठले जानकारी दिए ।
हिजोको बैठकमा भारतसँगको सीमा विवादबारे सदस्यहरूले धारणा राखेका थिए।
हिजोको बैठकमा प्रधानमन्त्री तथा नेकपा अध्यक्ष केपी शर्मा ओली सहभागी नभएको भन्दै सदस्यहरूले विरोध जनाएका थिए ।
