दाङ, ६ माघ ।
दाङमा चाेरीकाे आराेपमा एक जना पक्राउ परेका छन् । पक्राउ पर्नेमा घोराही उप-महानगरपालिका वडा नं.४ घर भई वडा न.१५ काठेकोलमा डेरा गरी बस्ने १८ वर्षीय रेशम बहादुर चौधरी रहेका छन् ।
चाैधरी घोराही उप-महानगरपालिका वडा नं.१५ स्थित रहेको ग्लोबल ओरेन्स नेपाल भएको घरको मार्केटिङ गर्ने बिक्री गर्ने कोठाको ताल्चा फोडी नगद १ लाख ९१ हजार नगद रुपैया चोरी भएको आराेपमा पक्राउ परेका हुन् ।
निवेदनको आधार र घटनास्थलको प्रकृति,अपराध विधि समेत विश्लेषणको आधारमा यस कार्यालय बाट खटिएको प्रहरी टोलीले चोरहरुको खोजतलास गर्दै जाने क्रममा चाैधरी पक्राउ परेकाे जिल्ला प्रहरी कार्यालयले बताएकाे छ ।
चाैधरीकाे डेरामा शंकास्पद रुपमा फेला पारी सोधपुछ तथा खोजतलास गर्दै जाने क्रममा हरियो रङ्गको प्लाष्टिकभित्र बिभिन्न दरको नेपाली रुपैया रु.१८८,०००।–(एक लाख अठ्ठासी हजार) रुपैया फेला पारी रित पुर्वक बरामद गरेकाे प्रहरीले जनाएको छ ।
