मा प्रकाशित
दाङ, ५ फागुन ।
दाङको भालुवाङमा अवस्थित अवस्थित लिटल एन्जल्स राप्तीमा शैक्षिक तथा विज्ञान प्रदर्शनी कार्यक्रम सम्पन्न भएको छ । विद्यालयले आज शुक्रबार एक कार्यक्रमको आयोजना गरी शैक्षिक तथा विज्ञान प्रदर्शनीको कार्यक्रम आयोजना गरेको हो ।
विद्यालयले वार्षिक शैक्षिक कार्यक्रम अन्तर्गत कार्यक्रमा विद्यार्थीहरुले निर्माण गरेका शैक्षिक सामग्रीहरु प्रदर्शनीका निम्ति राखिएका थिए । त्यस्तै विज्ञानका सामग्री पनि विद्यार्थीहरुले प्रदर्शनी गरेका थिए ।
‘यो वार्षिक शैक्षिक क्यालेन्डरसँग सम्वन्धित कार्यक्रम हो । हामीले हरेक वर्ष यो कार्यक्रम गर्दै आएका छौँ । विद्यार्थीहरुले कक्षा कोठामा सिकेका कुरालाई प्रयोगात्मक रुपमा प्रदर्शनी गर्दछन् । यस्ता कार्यक्रमले विद्यार्थीलाई सिकाइमा सहजना ल्याउने गर्दछ । ’ विद्यालयका प्रवन्ध निर्देशक शोभाखर भुसालले बताए ।
