मा प्रकाशित
काठमाडौं, ७ असाेज ।
नेपाल राष्ट्र बैंकको टक्सार महाशाखाले आज आइतवारदेखि राष्ट्रिय जनावर गाईको चित्र अङ्कित ‘मेडालियन सिक्का’ को बिक्री/वितरण सुरु गरेको छ ।
महाशाखाले आजदेखि राष्ट्रिय जनावर गाईको चित्र अङ्कित ‘मेडालियन सिक्का’ को बिक्री/वितरण सुरु गरेको हाे ।
टक्सार महाशाखामा आयोजित कार्यक्रममा गभर्नर महाप्रसाद अधिकारीले सिक्का सार्वजनिक गरेका हुन् ।
महाशाखाले १० ग्राम र २५ ग्रामका दुई किसिमका चाँदीका मेडालियन सिक्का टकमरी गरी बिक्री सुरु गरेको हो । १० ग्राम सिक्काको मूल्य १६ सय रुपैयाँ र २५ ग्राम सिक्काको चार हजार रुपैयाँ निर्धारण भएको छ ।
दर उल्लेख नगरी निष्कासन गरिएको सिक्कालाई मेडालियन भनिन्छ । नेपाल औषधि उद्योगको परिसरमा स्थानान्तरण भएपछि पुराना मेसनहरू मर्मत गरी मुद्रणसम्बन्धी काम सुरु गरेको हाे ।
