दाङ, २ फागुन ।
अभिनेता, निर्माता तथा निर्देशक नवल खड्काको फिल्म ‘काँडेतार’को ट्रेलर सार्वजनिक भएको छ । हिजो मङ्गलबार काठमाडौँमा एक कार्यक्रमकाबीच ट्रेलरसार्वजनिक गरिएको हो।
फिल्मले सीमा अतिक्रमणको मुद्दा उठाइएको छ । नेपाल–भारत सीमामा काँडेतार लगाएर सिमाना व्यवस्थित गर्नुपर्ने आवाज फिल्मको मुख्य विषयबस्तु रहेको छ ।
फिल्मको शीर्ष भूमिकामा नवल स्वयमले अभिनय गरेका छन् । साथमा, गौरव पहारी, सुरविना कार्की, रेविका गुरुङ, प्रशान्त यादव, मुरलीधर, प्रेम सुब्बा, सञ्जय खतिवडा लगायतको अभिनय रहेको छ ।
देशभर च्यारिटी प्रदर्शन गरिएको यो फिल्म अब भने हलमा प्रदर्शनमा आउन लागेको हो । सामना फिल्मस प्रालि प्रस्तुति रहेको फिल्मको निर्मातामा मकिको राई, अञ्जु केसी, नादिया खड्का र सानिया खड्का छन् । सत्यकला राई फिल्मको कार्यकारी निर्मात्रीको रुपमा छिन् ।
यही फागुन २५ गतेबाट फिल्म देशव्यापी प्रदर्शनमा आउँदैछ ।
