मा प्रकाशित
ललितपुर १२ चैत ।
होली खेल्ने क्रममा ललितपुरमा ग्याङ फाइट हुँदा दुईजनाको मृत्यु भएको छ । जिल्लाको धलाहिटीमा होली खेल्ने क्रममा विवाद हुँदा गएराति ९ बजे दुई समूहबीच ग्याङ फाइट हुँदा दुईजनाको मृत्यु भएको छ ।
मृत्यु हुनेमा सुनसरी घर भई ललितपुरको धोलाहिटीमा बस्दै आएका २८ वर्षका रेवाज राई र ३० वर्षका प्रजन राई रहेको प्रहरीले जनाएको छ । शव पाटन र सुमेरु अस्पतालमा राखिएको छ ।
घटनामा संलग्न भएको आरोपमा प्रहरीले हालसम्म १८ जनालाई नियन्त्रणमा लिएको छ । घटनाबारे थप अनुसन्धान भइरहेको प्रहरीले जनाएको छ ।