मा प्रकाशित
कनिका खबर
असार ३१, दाङ ।
मध्यपश्चिमाञ्चल विश्वविद्यालय (एमयू)ले एक साताभित्र नयाँ रष्टिार पाउने भएको छ । विश्वविद्यालयका रजिष्ट्रार पदका लागि १९ जनाको आवेदन परेको छ । मध्यपश्चिमाञ्चल विश्वविद्यालय ऐन, २०६७ को दफा २५ बमोजिम रजिस्ट्रारको नियुक्ति उपकुलपतिको सिफारिसमा कुलपति (प्रधानमन्त्री ) बाट हुने प्रावधान छ ।
नियुक्तिको सिफारिस गर्ने अधिकार उपकुलपतिलाई भए पनि छनोट प्रक्रिया पारदर्शी बनाउन विश्वविद्यालयले एक साताअघि रजिष्ट्रारसँगै विभिन्न तीन वटा सङ्कायका डिनका लागि खुला दरखास्त आह्वान गरेको थियो । डिनका लागि दरखास्त अवधि बाँकी नै छ । आवेदन दिएकामध्ये अधिकांश विश्वविद्यालयकै पूर्व डिनदेखि सह–प्राध्यापक लगायतका छन् ।
