काठमाडौँ, ३० चैत ।
त्रिभुवन विश्वविद्यालयको शिक्षाध्यक्ष (रेक्टर)मा प्रा.डा. खड्क केसी र रजिस्ट्रारमा प्रा.डा. केदार रिजाल नियुक्त भएका छन्।
विश्वविद्यालयका कुलपति तथा प्रधानमन्त्री पुष्पकमल दाहाल प्रचण्डले रेक्टरमा केसी र रजिस्ट्रारमा रिजाललाई नियुक्त गरेका हुन्।
त्रिविका उपकुलपति प्रा. डा. केशरजंग बरालले उनीहरूको नाम प्रधानमन्त्रीसमक्ष सिफारिस गरेका थिए।
त्रिवि ऐनअनुसार रेक्टर र रजिस्टार पदमा उपकुलपतिले सिफारिस गरेका व्यक्तिलाई कुलपतिले नियुक्ति गर्नुपर्ने व्यवस्था छ। सोही व्यवस्थाअनुसार त्रिविका कुलपतिसमेत रहेका प्रधानमन्त्री केसी र रिजाललाई नियुक्त गरेका हुन्।