मा प्रकाशित
काठमाडौं, ३ वैशाख ।
नेकपा एमालेका अध्यक्ष केपी शर्मा ओलीले नेकपा एकीकृत समाजवादीले अवसरवादी चरित्र देखाएको आरोप लगाएका छन् ।
एकीकृत समाजवादीले सुदूरपश्चिम प्रदेशमा नेपाली काङ्ग्रेस नेतृत्वको गठबन्धनलाई समर्थन गरेको बताउँदै अध्यक्ष ओलीले नेकपा एसले अवसरवादी चरित्र देखाएको आराेप लगाएका हुन् ।
एमाले संसदीय दलको बैठकलाई सम्बोधन गर्दै अध्यक्ष ओलीले एकीकृत समाजवादीले दक्षिणपन्थी अवसरवादलाई नाङ्गो ढङ्गले प्रस्तुत गरेको आरोप लगाए । एकीकृत समाजवादीले यसअघि सुदूरपश्चिममा पहिलो कार्यकाल नागरिक उन्मुक्ति पार्टीलाई सरकारको नेतृत्व गर्न दिने सहमति जनाएको तर अहिले अवसरवादमा फसेर काङ्ग्रेससँग मिलेको ओलीले बताए ।
एकीकृत समाजवादीले अराजनीतिक निर्णय गरेको र सुध्रने सङ्केत नदेखाएको एमाले अध्यक्ष ओलीले आरोप लगाए ।
