मा प्रकाशित
बाँके, ६ वैशाख ।
बाँकेको एक हर्बल उद्योगमा आगलागी भएको छ। आज बिहीबार बिहान ७ बजेतिर जिल्लाको जानकी गाउँपालिका वडा नम्बर ६ स्थित बाहुबली हर्बल प्रालिमा आगलागी भएको बाँके प्रहरीले जनाएको हो।
उद्योगको बाहिर सल्लाको काठ थुपारिएको गोदाममा आगलागी भएको छ । एदोगको मुख्य गोदाम भने सुरक्षित रहेको प्रहरीले जनाएको छ ।
अहिले आगो निभाउने काम भइरहेको उनले बताए।
आगो निभाउन नेपाल प्रहरी, सशस्त्र प्रहरी र नेपाली सेनाको टोली खटिएको छ। आगो निभाउन बाँके र बर्दियाका ११ वटा दमकल प्रयोग गरिएको र भारतबाट पनि दमकल ल्याइएको प्रहरीले जानकारी दिएको छ । विद्युत सर्ट हुँदा आगलागी भएको प्रहरीले जनाएको छ ।
आगलागीबाट मानवीय क्षति भएको छैन र आगलागी नियन्त्रणमा आएपछि भौतिक क्षतिको विवरण थाहा हुने प्रहरीले जनाएको छ ।
