मा प्रकाशित
यो मन
कर्कलाको कलकलाउँदो पातमाथि
टिलपिल टिलपिल गर्ने
एक थोपा पानी जस्तो
नाजुक, तरल अनि अस्थिर यो मन
हल्लै हल्लाको मन्द वतास
अनि पातकी पातको चालसंगै
बारम्बार स्व(स्खलित हुने यो मनलाई
वासनाको तातो रापले
मिलाइदिन्छ माटोमा
अदृश्य वाफ बनाई
मडारिएको बादलभित्र
बिलाईदिन्छ क्षितिजमा
कोक्याउने कर्कले पातमाथिको
त्यो आनन्ददायी स्पर्श
अनि मर्यादाको अस्तित्व
जोगाईराख्ने यो संघर्ष विच
कुण्ठित, विखण्डित, भेद्य
अनि प्रताडित यो मन
