सहमतिको खाकाबारे नेकपा कार्यदलमा छलफल – Kanika Khabar
Thursday, May 19Nepali News Portal

सहमतिको खाकाबारे नेकपा कार्यदलमा छलफल

    मा प्रकाशित

कनिका खबर
साउन ३२, काठमाडौं
सत्तारूढ नेकपाभित्रको विवाद समाधानका लागि गठन गरिएको कार्यदलले हिजोदेखि काम सुरु गरेको छ । नेकपा महासचिव तथा कार्यदलका संयोजक विष्णु पौडेलको भैंसेपाटीस्थित निवासमा हिजो छलफल भएको हो । प्रधानमन्त्री तथा पार्टी अध्यक्ष केपी शर्मा ओली र अर्का अध्यक्ष पुष्पकमल दाहाल प्रचण्डबीच अस्ति भएको छलफलपछि गठन भएको ६ सदस्यीय कार्यदललाई सहमतिको प्रस्तावको मस्यौदा गर्ने जिम्मेवारी दिइएको छ । पौडेलको संयोजकत्वमा गठित सो कार्यदलमा भीम रावल, पम्फा भुसाल, सुरेन्द्र पाण्डे, शंकर पोखरेल र जनार्दन शर्मा सदस्य रहनुभएको छ । असार १० गतेदेखि बसेको नेकपा स्थायी कमिटी बैठकमा उठेका विषयमै टेकेर छलफल भइरहेको कार्यदलका सदस्य सुरेन्द्र पाण्डेले जानकारी दिनुभयो ।

नेकपाभित्र बैशाखदेखि विवाद जारी छ । प्रधानमन्त्री ओलीले पार्टी फुटाउन सहज हुनेगरी बैशाख ८ गते अध्यादेश ल्याएपछि नेकपाभित्रको विवादले चर्को रुप लिएको हो । सो विषयमा छलफल गर्न असार १० गतेदेखि स्थायी कमिटी बैठक बसे पनि त्यसमा प्रगती भएको छैन । बैठक पार्टी र सरकार सञ्चालन, अमेरिकी परियोजना एमसीसी, नेपाल–भारत सीमा समस्यालगायत सात एजेन्डामा छलफल गर्न तय गरिएको थियो । प्रधानमन्त्री तथा अध्यक्ष ओलीले सहमति पालना नगरेको, सरकार र पार्टी सञ्चालन गर्न असफल भएको भन्दै बैठकमा उहाँको राजीनामा माग भएपछि प्रधानमन्त्री बैठकमा सहभागी हुनुभएको छैन । पार्टीभित्र गतिरोध बढेपछि नेताहरूले दुई अध्यक्षबीच सहमति गराउन र समस्या समाधान गर्न ६ सदस्यीय कार्यदल गठन गरिएको हो ।

"कानिका खबर डट कम"

याे नेपाली भाषाकाे डिजीटल पत्रिका हो । हामी तपाईहरुका सामु छुटै महत्वको साथ समाचार पस्कदै छाैं । हामी सधैं तपाईको सल्ला र सुझावकाे लागी अपेक्षा गर्दछाैं । हामीलाई पछ्याउनुभएकोमा धन्यवाद । हरपल तपाइको समाचार साथी कानिका खबर  [Email : [email protected]]

     
प्रतिक्रिया दिनुहोस्