दाङ । नेपाली कांग्रेस दाङ क्षेत्र नम्बर २ ले विजया दशमीको अवसरमा शुभकामना सन्देश जारी गर्दै पर्वले समाजमा आपसी विश्वास, सद्भाव र सहकार्यको भावना अभिवृद्धि गर्न योगदान पुर्याउने विश्वास व्यक्त गरेको छ।
क्षेत्रीय सभापति प्रकाश श्रेष्ठ र सचिव तिलक केसीद्वारा जारी शुभकामना सन्देशमा विजयादशमीलाई असत्यमाथि सत्य र अन्यायमाथि न्यायको विजयको प्रतीकका रूपमा उल्लेख गर्दै यस पर्वले समाजमा सकारात्मक सोच, नैतिकता र मानवीय मूल्यको विकास गर्न प्रेरणा दिने अपेक्षा गरिएको छ।
सन्देशमा नेपाली समाजको विविधताभित्र रहेको एकता, सांस्कृतिक परम्परा र पारिवारिक सम्बन्धलाई चाडपर्वले थप प्रगाढ बनाउने उल्लेख गर्दै आपसी सम्मान, सहिष्णुता र सद्भावलाई जीवन व्यवहारमा उतार्नुपर्नेमा जोड दिइएको छ।
चाडपर्वको खुसी समाजका सबै वर्ग र समुदायमा बाँडिनुपर्ने भावना व्यक्त गर्दै कांग्रेस दाङ क्षेत्र नम्बर २ ले सामाजिक एकता, शान्ति र समृद्धिका लागि सबैको साझा प्रयास आवश्यक रहेको सन्देश दिएको छ।
क्षेत्रीय सभापति श्रेष्ठ र सचिव केसीले स्वदेश तथा विदेशमा रहेका सम्पूर्ण नेपाली दाजुभाइ तथा दिदीबहिनी, पार्टीका नेता–कार्यकर्ता, शुभेच्छुक र आम नागरिकको सुख, सुस्वास्थ्य, दीर्घायु तथा उत्तरोत्तर प्रगतिको कामना गर्दै विजया दशमीको शुभकामना व्यक्त गरेका छन्।
