शिवु खनाल
कोइलाबास, १४ माघ ।
भारतसँग जाेडिएकाे दाङको काेइलाबास नाका सिमावर्ती क्षेत्रबाट अवैध हतियार बरामद गरिएको छ । गढवा गाउँपालिका वडा नम्बर ८ दुर्गा सामुदायिक वन भालुखाेला सिमावर्ती क्षेत्रबाट बुधबार एकनाल भरूवा बन्दुक बरामद गरिएको सशस्त्र प्रहरी बल नेपाल बोर्डर आउट पोष्ट कोइलाबासका प्रमुख माधवप्रसाद ढुङगेलले जानकारी दिनुभयो ।
सिमावर्ती क्षेत्र भालुखाेला जंगलमा नियमित गस्ती पटाैलकाे क्रममा (विओपी) काेइलाबास सशस्त्र प्रहरी बल नेपाल बोर्डर आउट पोष्टका प्रमुख माधवप्रसाद ढुङ्गेललेकाे कमाण्डमा खटिएको पैदल गस्तीले रूखकाे फेदमुनि लुकाइछिपाइ राखेको अवैध एकनाल भरुवा बन्दुक (अवैध हतियार) बरामद गरेको छ ।
उक्त अवैध हतियार विभिन्न किसिमको चाेरीपैठारी, वन्यजन्तुको तस्करी तथा अपराधीक क्रियाकलापमा प्रयोग हुन सक्न अनुमान गरिएको छ । बरामद गरिएको अवैध हतियार सिमा प्रहरी चाैकी काेइलाबासलाइ बुझाइएको छ ।
