साउन २३, काठमाडौँ ।
पछिल्लो केही वर्ष यता बैँकिङ कसुर सम्बन्धी उजुरी बढ्दै गएको नेपाल प्रहरीले जनाएको छ । केही वर्ष अघि सयको सङ्ख्यामा उजुुरी आउने गरे पनि पछिल्लो केही वर्ष यस्तो उजुरीको सङ्ख्या हजारमा पुगेको छ ।
नेपाल प्रहरीका अुनसार आर्थिक वर्ष २०७४÷०७५ मा ७ सय ७६ वटा बँैकिङ कसुर सम्बन्धी उजुरी परेको थियो । तर पाँच वर्षपछि अर्थात आर्थिक वर्ष २०७८÷०७९ मा मात्रै ४ हजार ५ सय ७६ बैँकिङ कसुर सम्बन्धी उजुरी प्रहरीकोमा दर्ता भएको छ ।
यसरी दर्ता हुने उजुरीमध्ये ८० प्रतिशतभन्दा बढी चेक बाउन्सको हुने गरेको नेपाल प्रहरीका केन्द्रीय प्रवक्ता टेकप्रसाद राईले जानकारी दिनुभयो ।
यसैबीच चेक बाउन्सको मुद्दा अब बैँकिङ कसुर अन्तर्गत पर्ने भएको छ । चेक बाउन्सको मुद्दा बैँकिङ कसुर अन्र्तगत नपर्ने भनी ३ वर्ष अघि गरेको फैसलालाई सर्वोच्च अदालतको पूर्ण इजलासले सच्याएपछि चेक बाउन्सको मुद्दा बँैकिङ कसुर अन्र्तगत पर्ने भएको हो ।
