दाङ । दाङको घोराहीस्थित मेचीकाली सेकेन्डरी बोर्डिङ स्कुलले कक्षा १२ नतिजा सतप्रतिशत ल्याएको छ । राष्ट्रिय परीक्षा बोर्डले आज सार्वजनिक गरेको नतिजा अनुसार मेचीकालीले पहिलो ब्याचको नतिजामा सतप्रतिशत नतिजा ल्याएको हो ।
“आजको यो सफलता केवल सतप्रतिशत नतिजामा सीमित छैन, यो हाम्रो विद्यालयको शैक्षिक गुणस्तर, अनुशासन र सामूहिक प्रतिबद्धताको प्रमाण पनि हो। यस उपलब्धिका लागि सम्पूर्ण विद्यार्थी, शिक्षक, अभिभावक तथा विद्यालय परिवारप्रति हार्दिक आभार व्यक्त गर्दछु र आगामी दिनमा अझ उत्कृष्ट नतिजाको अपेक्षा राख्दछु।” विद्यालय व्यवसथापन समितिका अध्यक्ष धर्मबहादुर केसीले बताए ।
“कक्षा १२ मा सतप्रतिशत नतिजा हासिल गर्नु हाम्रो विद्यालय परिवारका लागि गौरवको विषय हो। यो सफलता विद्यार्थीहरूको मेहनत, शिक्षकहरूको समर्पण र अभिभावकहरूको विश्वासको परिणाम हो। यस उपलब्धिमा योगदान गर्ने सबैलाई हार्दिक धन्यवाद तथा विद्यार्थीहरूलाई उज्ज्वल भविष्यको शुभकामना व्यक्त गर्दछु।” प्रिन्सिपल चक्रबहादुर रावतले बताए ।
“सतप्रतिशत नतिजा केवल अंकको सफलता मात्र होइन, यो विद्यार्थी, शिक्षक, अभिभावक र विद्यालयबीचको विश्वास, मेहनत र सहकार्यको उत्कृष्ट उदाहरण हो। यस गौरवपूर्ण उपलब्धिका लागि सम्पूर्ण विद्यालय परिवारलाई धन्यवाद तथा विद्यार्थीहरूलाई हार्दिक बधाई व्यक्त गर्दछु।” कोअर्डिनेटर विष्णुप्रसाद अधिकारीले बताए ।
परीक्षामा विद्यालयबाट सहभागी भएका विद्यार्थीमध्ये पार्वती रेउलेले३.६४ जिपिए प्राप्त गरी विद्यालयमा प्रथम भएकी छिन् ।
