कनिका खबर
असोज ४, दाङ ।
खेलकुद क्षेत्रमा योगदान दिएकाहरुलाई पुरस्कार तथा सम्मानका लापग आवेदन खुला भएको छ । युवा तथा खेलकुद मन्त्रालयले खेलकुद क्षेत्रमा योगदान पुर्याएका व्यक्तिहरुलाई सम्मान गर्ने भएको हो ।
हरेक वर्ष मन्त्रालयले राष्ट्रिय प्रतिभाहरुलाई सम्मान गर्दै आएको छ । आज आइतबार मन्त्रालयले विज्ञप्ती जारी गरी यो वर्षको पुरस्कारका लागि आवेदन आह्वान गरेको छ।
खेलाडी, प्रशिक्षक, व्यवस्थापक, निर्णायक, खेल चिकित्सक, राष्ट्रिय खेल संघ र प्रायोजकलाई प्रोत्साहन गर्नका लागि मन्त्रालयले यो पुरस्कार प्रदान गर्दै आएको छ ।
यो पुरस्कारबाट हरेक वर्ष नेपाली खेलकुदमा योगदान गरेका १० जनालाई मन्त्रालयले सम्मान गर्दै आएको छ।
राष्ट्रिय प्रतिभा पुरस्कार कार्यविधि २०६८ को अनुससचि २ र ३ को ढाँचा अनुसार निवेदन दिन चाहनेहरुले आवेदन पेश गर्न मन्त्रालयले विज्ञप्तिमार्फत भनेको छ।
