मा प्रकाशित
कनिका खबर
भदौ २४, दार्चुला
दार्चुलामा १० वर्षिया आफ्नै छोरीमाथि जबरजस्ती करणी गर्ने प्रयास गरेको भन्दै ३६ वर्षिय बुवा पक्राउ परेका छन् । जिल्ला सदरमुकाम खलङ्गा बस्दै आएका ती पुरुषले भाद्र २१ गते राती १० वर्षिया आफ्नै छोरीमाथि जबरजस्ती करणी गर्ने प्रयास गरेको जाहेरीका आधारमा प्रहरीले उनलाई सोमबार बिहान पक्राउ गरेको हो । जाहेरी परेपछि घट्नास्थलमा पुगि घटनाबारे जानकारी लिइएको र स्वास्थ्य चेकजाँच पनि गरिएको जिल्ला प्रहरी कार्यालय दार्चुलाका प्रहरी प्रमुख डिएसपी पदमबहादुर बिष्टले बताउनुभयो । ‘पीडित र आफन्तका अनुसार जबरजस्ती करणी प्रयास पनि दोस्रो पटक रहेछ, जबरजस्ती करणी गरेकै हो भन्ने एकिन गर्न मेडिलक रिपोर्ट आएपछि थाहा हुन्छ’ डिएसपी बिष्टले भन्नुभयो ।
