मा प्रकाशित
रोकिँदैनन् अश्रुभेल बगिरहन्छन्।
नाता टुटे यादहरू बाँकी रहन्छन्।
परिपूरक बन्नुपर्थ्यो एक(अर्कामा,
किनाराबिना कहाँ नदी रहन्छन्।
फूल जस्तो हुनुपर्ने आफन्तहरू,
काँडा जस्तै बनेर घोचिरहन्छन्।
फर्की आउँछु भनेर जानेहरू हो,
नगर्नु घात पर्खिने पर्खिरहन्छन्।
आफैँमा विश्वास गर्नु, हिँडिरहनु,
खुट्टा तान्नेहरूले तानिरहन्छन्।
मुटुमा बसेर मन दुखाउनेहरू,
निस्किएर जाँदैनन् बसिरहन्छन्।
