कविता : क्रुर शासकको पुनरावृत्ति – Kanika Khabar
Friday, March 29Nepali News Portal

कविता : क्रुर शासकको पुनरावृत्ति

    मा प्रकाशित

सोंचेथे,
अब लेख्नु नपर्ला मलाई
बन्द, हडतालका कविताहरु ।

सोंचेथे,
अब लेख्नु नपर्ला मलाई
बारबार देश घाइते बनेका कविताहरु ।

मैले सोंचेथे,
अब लेख्नु नपर्ला मलाई
भोक, रोग र शोकका कविताहरु ।

सोंचेथे,
अब लेख्नु नपर्ला मलाई
दुःख, आँशु र अभावका कविताहरु ।

बिर्सेर सबैसबै
अतितका रंगहिन पानाहरु
ढुक्कले बसेर कल्पनाको चौतारीमा
लेख्दै थिए,
छातीको कुना कन्दरामा हिमाल हाँसेको
पहाडहरुमा गुरास फक्रेको
र, तराईमा हरियो मुश्कुराइरहेको कविताहरु ।

तर दुःखको कुरा त यो भइरहेछ,
फेरि मैले पल्टाउनु परेको छ
उहि विषाक्त वेदनाको पुस्तक
र फ्ँयाक्नु परेको छ आगोका कविताहरु
निदाएको बहाना गरिरहेको शासकलाई व्युँझाउन ।

"कानिका खबर डट कम"

याे नेपाली भाषाकाे डिजीटल पत्रिका हो । हामी तपाईहरुका सामु छुटै महत्वको साथ समाचार पस्कदै छाैं । हामी सधैं तपाईको सल्ला र सुझावकाे लागी अपेक्षा गर्दछाैं । हामीलाई पछ्याउनुभएकोमा धन्यवाद । हरपल तपाइको समाचार साथी कानिका खबर  [Email : [email protected]]

     
प्रतिक्रिया दिनुहोस्