मा प्रकाशित
कनिका डेस्क
जेठ २९, दाङ
अमेरिकामा कोरोना भाइरस कोभिड–१९ बाट सङ्क्रमित हुनेको संख्या २० लाख नाघेको छ । जोन्स होप्किन्स विश्वविद्यालयका अनुसार आजसम्म अमेरिकामा कोरोना संक्रमितको संख्या २० लाख ७२ हजार २ सय ७३ पुगेको छ ।
अमेरिकामा कोरोना भाइरसको संक्रमणबाट मृत्यु हुनेको संख्या एक लाख १५ हजार २ सय ९१ रहेको छ । कोरोना भाइरसको संक्रमणबाट विश्वभर मृत्यु हुनेको संख्या भने ४ लाख २० हजार नाघेको छ । पछिल्लो २४ घण्टामा विश्वभर ५ हजार १६५ जनाको मृत्यु भएको छ । योसँगै मृतकको संख्या ४ लाख २० हजार ५ सय १७ पुगेको छ ।
विश्वका २ सय १३ मुलुक र २ पानीजहाजमा गरी संक्रमित हुने मानिसको संख्या ७४ लाख ४६ हजार नाघेको छ । ३८ लाख १५ हजारभन्दा बढी मानिस उपचारपछि निको भएका छन् ।
