मा प्रकाशित
प्रधानमन्त्री कप राष्ट्रिय महिला क्रिकेट प्रतियोगिताको उपाधि सशस्त्र प्रहरीको एपीएफ क्लबले जितेको छ । धनगढीमा आज भएको फाइनल खेलमा प्रदेश १ लाई ७ विकेटले हराउँदै एपीएफले उपाधि जितेको हो ।
फाप्ला क्रिकेट मैदानमा प्रदेश १ ले दिएको ६८ रनको लक्ष्य एपीएफले १४ ओभर २ बलमा ३ विकेट गुमाएर पूरा गर्यो । यसअघि टस हारेर पहिले ब्याटिङ गरेको प्रदेश १ ले २० ओभरमा ६ विकेट गुमाएर ६७ रन बनाएको थियो ।उपाधि जितेको एपीएफले ५ लाख रुपैयाँ पुरस्कार पाएको छ । उपविजेता बनेको प्रदेश १ ले ३ लाख रुपैयाँ पाएको छ ।