माघ २३, काठमाडौँ ।
सत्तारुढ ५ दलीय गठबन्धनका संयोजक एवं नेपाली काँग्रेसका वरिष्ठ नेता रामचन्द्र पौडेलले माओवादी अध्यक्ष पुष्पकमल दाहाल प्रचण्ड र नेकपा एकीकृत समाजवादीका अध्यक्ष माधवकुमार नेपालले एमसीसीबारे जनतामा भ्रम छरेको आरोप लगाउनुभएको छ ।
नेपाली काँग्रेस गण्डकी प्रदेश समितिको कार्यालय उद्घाटन गर्दै नेता पौडेलले प्रचण्ड र नेपालका कारण एमसीसी गिजोलिएको दाबी गर्नुभयो ।
एमसीसीबारे जनतालाई कन्भिन्स गराउनुपर्ने भन्दै उहाँले मुलुकको अर्थतन्त्र अप्ठ्यारो अवस्थामा रहेको समयमा सधै विदेशीको ऋण लिएर नहुँने धारणा राख्नुभयो । एमसीसीबारे देखिएको अलमल चिरेर गठबन्धन जोगाउनुपर्ने उहाँको धारणा थियो ।