माघ २३, जुम्ला ।
कर्णाली प्रदेश सरकारले जुम्लामा हिउँमा फसेकाहरूलाई हेलिकप्टरमार्फत राहत सामग्री पु¥याएको छ ।
जुम्लाको गाग्रा लेकको विभिन्न ठाउँमा ५५ जना हिउँमा फसेको जानकारी आएपछि हेलिकप्टरमार्फत खाद्यान्न पु¥याइएको आन्तरिक मामिला तथा कानून मन्त्रालय अन्तर्गतको विपद् शाखाका कृष्णबहादुर रोकायले जानकारी दिनुभयो । उहाँका अनुसार पाँच फिट जति हिउँ परेको र त्यहाँ हेलिकप्टर अवतरण गर्न सक्ने अवस्था नभएपछि तत्कालका लागि खानेकुरा मात्र खसालिएको छ ।
उनीहरुलाई तीन दिनको लागि पुग्ने खाद्यान्न सामग्री पु¥याइएको उहाँले बताउनुभयो । घाम लाग्दै गएकाले तीन दिनभित्र हिउँ पग्लिएर फसेकाहरु आफ्नै घर फर्कन सक्नेछन् । सेतो चिनी सङ्कलन गर्न पुगेकाहरु हिउँमा फसेका पनि रोकायले बताउनुभयो ।