मा प्रकाशित
वैशाख ३, काठमाडौँ ।
नेपाली कांग्रेसका महामन्त्री गगन थापाले चुनावी तालमेलको पूर्ण अधिकार स्थानीय कमिटीलाई भएको बताएका छन् । महामन्त्री थापाले स्थानीय निर्वाचनमा तालमेल गर्ने कि नगर्ने भन्ने विषयमा पूर्ण अधिकार स्थानीय कमिटीलाई भएको बताएका हुन् ।
काठमाडौँको बुढानीलकण्ठमा आयोजित पार्टीको कार्यक्रमलाई सम्बोधन गर्दै महामन्त्री थापाले स्थानीय निर्वाचनमा पार्टीको तल्लो कमिटी स्वतन्त्र रहेको बताएका हुन् ।
पर्सामा तालमेल नगर्ने र गुल्मीमा तालमेल गर्ने निर्णय भएको उदाहरण दिंदै उनले भने, ‘पार्टीको निर्णयबारे कोही अलमलिनु पर्दैन । स्थानीय तहको साथीहरूले तालमेल गर्ने निर्णय गर्न पनि पाउनु हुन्छ नगर्ने निर्णय गर्न पनि पाउनुहुन्छ । कसैले लाद्न पाउँदैन ।’
