भदाै १४, दाङ ।
आज मंगलबार प्रकाशन गरिने भनेकाे कक्षा १२ को बोर्ड परीक्षाको नतिजा आज सार्वजनिक नहुने भएको छ । राष्ट्रिय परीक्षा बोर्डले मंगलबार बेलुकासम्म नतिजा सार्वजनिक गर्नेगरी तयारी गरेको भए पनि प्राविधिक कारण देखाउँदै नतिजा प्रकाशन गर्न नसकिएको बताएकाे छ ।
‘दिनभर लगाएर पनि टेक्निकल प्रोसेस सकिएन । अझै केही समय लाग्छ । त्यसपछि पनि प्रोसेसिङ हुन मात्रै ३/४ घण्टा लाग्छ । आज समय अभावले नतिजा प्रकाशन गर्न नसकिने भयो,’ बाेर्डका अध्यक्ष महाश्रम शर्माले बताए ।
सम्भवतः भोलि बुधबार नतिजा प्रकाशन गर्न सकिने पनि अध्यक्ष शर्माले बताए । ‘भोलि कति बेला टेक्निकल काम सकिन्छ । त्यसपछि सम्भवतः भोलि सार्वजनिक गर्छौ होला । अहिले नै यहि मितिमा सार्वजनिक गर्छौ भनेर भन्न सकिने अवस्था छैन्,’ अध्यक्ष शर्माले भने ।