दाङ, २९ असार ।
दाङकाे घाेराही उपमहानगरपालिकाले स्थानीय पाठ्यक्रम तयार पारेकाे छ । शैक्षिक सत्र २०८० बाट लागू गर्ने गरी उपमहानगरपालिकाले स्थानीय पाठ्यक्रम तयार पारेकाे हाे ।
उपमहानगरपालिकाले शैक्षिक सत्र २०८० देखि स्थानीय पाठ्यक्रम लागू गरे पनि अझै केही विद्यालयमा स्थानीय पाठ्यक्रम लागू नभएकाे भन्ने जानकारी आएपछि घाेराही उपमहानगरपालिका नगर कार्यपालिकाले एक सूचना जारी गरी स्थानीय पाठ्यक्रम अनुरूप पठनपाठन गर्न अनुराेध गरेकाे छ ।
` यस शैक्षिक वर्ष २०८० देखि हाम्रो घोराही आधारभूत तह (कक्षा १-८) नामको स्थानीय पाठ्यक्रम निर्माण भई विद्यालयहरुमा वितरण समेत भएको तर केही विद्यालयहरुले उक्त पाठ्यक्रमको सट्टामा अन्य विषय अध्ययन अध्यापन गराइरहेको भन्ने जानकारी प्रप्त भएकोले सबै विद्यालयहरुले अनिवार्य रुपमा स्थानीय पाठ्यक्रम अनुरुप अध्ययन अध्यापन गर्नु गराउनुहुन सम्बन्धीत सवैमा जानकारी गराइन्छ ।´ जारी सूचनामा उल्लेख छ ।
