मंसिर ११ ,जाजरकोट ।
नेपाल परिवार नियोजन संघको आयोजनामा भूकम्प प्रवावित क्षेत्र जाजरकोटमा प्रजनन स्वास्थ्य शिविर सुरू भएकाे छ ।
संघकाे आयाेजना तथा आइ पि पि एफ SPRINT परियोजनाको सहयोग र भेरी नगरपालिका जाजरकोटको व्यवस्थापन सहयोगमा भूकम्प प्रवावित क्षेत्र जाजरकोटमा प्रजनन स्वास्थ्य शिविर सुरू भएकाे हाे ।
भेरी नगरपालिका वार्ड न ४ बोहोरामा १ दिने बृहत प्रजनन स्वास्थ्य शिविर आजबाट सुरू गरिएकाे छ । शिविर कार्यक्रममा भेरी नगरपालिकाका नगर प्रमुख चन्द्र प्रकाश घर्तीले भुकम्पले प्रभावितहरुको घाउमा मलहम लगाउनको लागि परिवार नियोजन संघले निभाएको भूमिकाप्रति आभार प्रकट गरेका थिए । नगर प्रमुख घर्तीले आजदेखि शुरु भएको शिविर पालिकाका अति प्रभावित वार्ड १, २ र ३ मा पनि सञ्चालन हुनेछ ।
नेपाल परिवार नियोजन संघ दाङका शाखा प्रबन्धक बसन्त खनाल विपतको समयमा प्रजनन स्वास्थ्य सेवाको महत्त्व र आवश्यक्ता बारेमा प्रकाश पारेका थिए ।
शिविरमा लैङ्गिक हिंसा, गर्भवती महिला, सुत्केरी महिला ,किशोर किशोरीलाई प्रजनन स्वास्थ्य सम्बन्धि सेवा र परामर्श, याैन रोग तथा एच आइ भी एडस सम्बन्धि परामर्श तथा उपचार सेवा, परिवार नियोजन सेवा ,पाठेघर मुखको क्यान्सरको स्कृनिङ सेवा लागायत विभिन्न सेवाहरु शिविरबाट प्रदान गरिने कुरा जानकारी दिए ।
शिविर आजबाट सुरु भएर भुकम्पबाट अति प्रभावित क्षेत्र रु जाजरकोटको नलगाड नगरपालिका , बारेकोट गाउँपालिका र कुशे गाउँपालिक र रुकुम पश्चिमको आठबिसकोट नगरपालिका र सानीभेरी नगरपालिकामा सञ्चालन गरिन लागेको समेत शाखा प्रबन्धक खनालले जानकारी दिए ।
शिविरमा नेपाल परिवार नियोजन संघबाट स्त्री रोग बिशेषज्ञ डा. हेमा छन्त्यालको नेतृत्वमा स्वास्थ्यकर्मीको टोलीले सेवा प्रदान गरेकाे छ ।